Lovspeil

Denne siden viser offentlegforskrifta § 9. Bruk lenkene over og under bestemmelsen for å navigere til kapittel, forrige eller neste paragraf.

Offentlegforskrifta § 9 – Unntak for dokument og journalar

Det kan gjerast unntak frå innsyn i dokument og journalar som er avleverte til arkivdepot når originalane er i så dårleg stand at dei ikkje toler handtering eller kopiering, eller arkivordninga gjer det urimeleg arbeidskrevjande å finne materialet eller å sikre at opplysningar som er underlagde teieplikt eller graderte ikkje blir leverte ut.
Det kan gjerast unntak frå innsyn for tilbod og protokollar i tilbodskonkurransar som gjeld kjøp av flyrutetenester etter regelverk gitt i medhald av luftfartslova, inntil val av leverandør er gjort.
Det kan gjerast unntak frå innsyn i dokument som gjeld saker hos Etterretningstenesta og hos Politiets tryggingsteneste (PST) og frå innsyn i journalar hos desse organa.
Det kan gjerast unntak frå innsyn for journalinnføringar og dokument i enkeltsaker hos Meklingsnemnda for arbeidstakaroppfinningar, i saker om utferding av lån og garantiar hos Eksportfinansiering Norge og i enkeltsaker etter utlendingslova, pasientskadelova og statsborgarlova.
Det kan gjerast unntak frå innsyn for journalinnføringar i følgjande sakstypar:
  1. enkeltsaker om adopsjon, ekteskap, partnarskap, separasjon, skilsmål, farskap, nedstamming, barnefordeling og bidrag
  2. enkeltsaker som gjeld konsulær bistand frå utanrikstenesta