Lovspeil

Forskrift om graden philosophiae doctor (ph.d.) ved Høgskulen i Volda

Denne siden viser Forskrift om graden philosophiae doctor (ph.d.) ved Høgskulen i Volda i en brukervennlig struktur med kapitler, paragrafer og stabile lenker til hver bestemmelse.

Dokumenttype
Forskrift
Dato
2024-09-05
Nummer
2677
Kilde
Lovdata
Departement
Kunnskapsdepartementet
I kraft
2024-10-01
Sist importert
17. juni 2026
Vis på Lovdata ↗

Del I. Innleiande føresegner

§ 1. Verkeområdet til forskriftaegen side

(1) Forskrifta gjeld for all utdanning som fører fram til graden philosophiae doctor (ph.d.) ved Høgskulen i Volda, irekna også fellesgradar og cotutelle, om ikkje anna er avtalt.
(2) Forskrifta gjev reglar om opptak, gjennomføring og avslutting av ph.d.-utdanning ved Høgskulen i Volda.

§ 2. Omfang, innhald og målsetjing for ph.d.-utdanningaegen side

§ 2-1. Målsetjingegen side

Ph.d.-utdanninga skal kvalifisere for forskingsverksemd av høg internasjonal standard og for anna arbeid i samfunnet der det vert stilt store krav til vitskapleg innsikt og analytisk tenkjing, i samsvar med god vitskapleg skikk og forskingsetiske standardar. Ph.d.-utdanninga skal gje kandidaten kunnskap, dugleikar og kompetanse i tråd med det nasjonale kvalifikasjonsrammeverket.

§ 2-2. Omfangegen side

Ph.d.-utdanninga er normert til tre (3) års fulltidsstudium og inkluderer ein opplæringsdel på minimum 30 studiepoeng. Den viktigaste delen av ph.d.-utdanninga er eit sjølvstendig forskingsarbeid som vert gjennomført med aktiv rettleiing.

§ 2-3. Innhaldegen side

Ph.d.-graden vert tildelt på grunnlag av:
  1. Godkjent vitskapleg avhandling
  2. Godkjent gjennomføring av opplæringsdelen
  3. Godkjent prøveførelesing over oppgjeve emne
  4. Godkjent offentleg forsvar av avhandlinga (disputas).

§ 3. Ansvar for ph.d.-utdanningaegen side

(1) Styret har det overordna ansvaret for ph.d.-utdanninga. Utdanninga vert organisert i program som vert forvalta av avdelinga.
(2) Kvart ph.d.-program skal vere underlagt eit doktorgradsutval som har ansvar for
  1. opptak og gjennomføring av studiet,
  2. godkjenning av studieplan og emneplanar for utdanninga, og
  3. utfyllande retningslinjer for programmet.

§ 4. Kvalitetssikringegen side

Ph.d.-utdanninga er omfatta av Kvalitetssystemet ved Høgskulen.

Del II. Opptak

§ 5. Opptakegen side

§ 5-1. Vilkår for opptakegen side

For å verte teken opp til ph.d.-utdanninga må søkjaren ha femårig mastergrad eller tilsvarande utdanning, jf. kvalifikasjonsrammeverket nivå 7. Det einskilde doktorgradsprogrammet kan i tillegg fastsetje andre minstekrav for opptak og spesifisere krav til innhald i opptakssøknaden.

§ 5-2. Søknad om opptakegen side

(1) Doktorgradsutvalet fastset i utfyllande retningslinjer krav til dokumentasjonen som skal leggjast ved søknad om opptak, inkludert prosjektskildringa og plan for opplæringsdelen.
(2) I prosjektskildringa skal det gjerast greie for tema, problemstilling og val av teori og metode.
(3) Plan for opplæringsdelen skal innehalde opplæring som er retta mot generell kompetanse i samsvar med kvalifikasjonsrammeverket.
(5) Om søkjaren planlegg å bruke eit anna språk i avhandlinga enn det som er i samsvar med § 10-1 i denne forskrifta, skal søknad om det leverast saman med plan for studiet.
(6) Kandidat og hovudrettleiar skal innan tre (3) månader etter opptak gå gjennom prosjektskildringa og vurdere om ho bør justerast.

§ 5-3. Infrastrukturegen side

(1) Kandidaten skal ha til rådvelde naudsynt utstyr for å kunne gjennomføre utdanninga. Avdelinga avgjer kva som skal reknast som naudsynt utstyr.
(2) Det vert inngått særleg avtale om doktorgradsarbeidet for kandidatar som har ekstern finansiering og/eller arbeidsplass. Avtalen skal normalt liggje føre saman med opptaksavtalen.

§ 5-4. Ph.d.-avtalenegen side

(1) Opptak til ph.d.-utdanning skal formaliserast i ein skriftleg avtale. Avtalen vert inngått mellom ph.d.-kandidat, rettleiar(ar), Høgskulen og eventuelt også med eksterne partar. Avtalen regulerer dei gjensidige rettane og pliktene til partane. Avtalen skal innehalde tema for avhandlinga, avtaleperiode, finansieringsplan, rettleiingsforhold, arbeidsstad og opplæringsdel. Høgskulen fastset avtaleskjema.
(2) Avtalen skal liggje føre innan tre (3) månader etter opptaktsvedtak.
(3) Endringar i innhaldet i avtalen skal godkjennast av Høgskulen.

§ 5-5. Opptaksvedtakegen side

(1) Doktorgradsutvalet gjer vedtak om opptak basert på ei samla vurdering av søknaden.
(2) Opplæringsdelen av studiet vert godkjent i samsvar med retningslinjene for det einskilde ph.d.-programmet.
(3) I vedtak om opptak skal det peikast ut minst ein rettleiar, avtaleperioden skal vere fastsett med start- og sluttdato og ein plan for studiet. Startdato er også lik startdato for finansiering.
(4) Søknad om opptak kan verte avslegen dersom:
  1. avtalar med ekstern tredjepart hindrar offentleggjering og offentleg forsvar av avhandlinga
  2. immateriellrettslege avtalar er så urimelege at Høgskulen ikkje bør medverke i prosjektet
  3. finansiering ikkje er sikra for heile perioden.

§ 5-6. Avtaleperiodeegen side

(1) Ph.d.-utdanninga er normert til tre (3) års fulltidsstudium. Maksimal studietid er seks (6) år frå starttidspunkt til innlevering av avhandlinga for vurdering. Ved lovheimla avbrot vert avtaleperioden forlenga tilsvarande.
(2) Avtaleperioden vert forlenga i tråd med rettane åt ph.d.-studenten som arbeidstakar og vert også vurdert med tanke på finansieringsgrunnlaget.
(3) Kandidaten kan misse retten til å disputere om avhandlinga ikkje er levert innan maksimal studietid. Doktorgradsutvalet gjer vedtak om at maksimal studietid er nådd. Doktorgradsutvalet kan forlenge avtaleperioden etter grunngjeven søknad. Om avtaleperioden vert forlenga, kan doktorgradsutvalet setje særlege vilkår for forlenging.
(4) Når avtaleperioden er ute, misser partane rettar og plikter omtala i ph.d.-avtalen. Ph.d.-kandidaten kan misse rett til rettleiing, deltaking på kurs og tilgang på infrastruktur. Kandidaten kan likevel søkje om å få levere inn avhandlinga til vurdering for ph.d.-graden. Doktorgradsutvalet avgjer søknaden.

Del III. Avslutting før avtalt tid

§ 6. Avslutting før avtalt tidegen side

§ 6-1. Friviljug avslutting før avtalt tidegen side

(1) Kandidaten og Høgskulen kan gjensidig avtale at ph.d.-utdanninga vert avslutta før avtalt tid. Ved slik friviljug avslutting skal det lagast ein eigen avtale som avklarar korleis spørsmål rundt tilsetjingsforhold, finansiering, rettar til resultat o.l. skal ordnast.
(2) Om kandidaten vil avslutte ph.d.-utdanninga på grunn av ynske om å endre tema eller å byte til eit anna ph.d.-program, skal kandidaten søkje nytt opptak på grunnlag av det nye temaet. Eventuell ekstern finansieringskjelde må godkjenne endring av tema.

§ 6-2. Tvungen avslutting ved forseinking eller manglande framdriftegen side

(1) Avdelinga kan vedta tvungen avslutting av ph.d.-utdanninga før avtalt tid. Avdelinga kan gjere vedtak om det på grunnlag av eitt eller fleire forhold:
  1. Vesentleg forseinking i gjennomføring av opplæringsdelen på grunn av forhold som kandidaten sjølv rår over
  2. Gjentekne og vesentlege brot frå kandidatens side av informasjons-, oppfølgings- eller rapporteringsplikt, inkludert innsending av framdriftsrapport, jf. § 9
  3. Forseinkingar i framdrifta i forskingsprosjektet som gjer det sannsynleg at kandidaten ikkje vil kunne fullføre prosjektet innafor avtalt tid. For å danne grunnlag for tvungen avslutting må forseinkinga skuldast forhold som kandidaten sjølv rår over.
(2) Klage over vedtak om tvungen avslutting ved forseinkingar eller manglande framdrift går til Nemnd for studentsaker ved Høgskulen i Volda.

§ 6-3. Tvungen avslutting ved fusk på eksamen eller prøver undervegs i ph.d.-utdanningaegen side

§ 6-4. Tvungen avslutting ved uærleg framferdegen side

(2) Om det vert klaga på eit slikt vedtak, skal klagen handsamast av departementet eller ei særskild klagenemnd oppnemnd av departementet.

§ 6-5. Oppseiingegen side

Ein ph.d.-kandidat som er tilsett, kan seiast opp frå stillinga når det er sakleg grunn for det på bakgrunn av Høgskulens eller ph.d.-kandidatens forhold, jf. Statsansattelova §§ 19, 20 og 26.

Del IV. Gjennomføring

§ 7. Rettleiingegen side

Arbeidet med doktorgradsprosjektet skal skje under individuell rettleiing. Avdelinga og rettleiarar skal saman sikre at ph.d.-kandidaten deltek i eit aktivt forskingsmiljø.

§ 7-1. Oppnemning av rettleiararegen side

(1) Ph.d.-kandidaten skal som hovudregel ha minst to rettleiarar, der ein er oppnemnd som hovudrettleiar. Hovudrettleiar skal normalt vere tilsett ved Høgskulen og vert oppnemnd i samband med opptaktsvedtaket.
(2) Hovudrettleiaren har det faglege hovudansvaret for kandidaten. Dersom det vert oppnemnd ekstern hovudrettleiar, skal det oppnemnast ein medrettleiar som er vitskapleg tilsett ved Høgskulen.
(3) Medrettleiarar er fagpersonar som gjev rettleiing og som deler det faglege ansvaret for kandidaten med hovudrettleiar.
(4) Habilitetsreglane i forvaltningslova andre kapittel «Om ugildhet» gjeld for rettleiarane. Utfyllande retningslinjer for det einskilde programmet utdjupar dette.
(5) Alle rettleiarar skal ha doktorgrad eller tilsvarande kompetanse innafor fagfeltet og vere aktive forskarar. Minst ein av dei oppnemnde rettleiarane bør ha tidlegare erfaring frå eller opplæring i rettleiing av ph.d.-kandidatar.
(6) Ph.d.-kandidat og rettleiar kan saman eller kvar for seg be doktorgradsutvalet om å oppnemne ein annan rettleiar for kandidaten. Rettleiar kan ikkje slutte før ny rettleiar er oppnemnd. Usemje om rettleiar og kandidat sine faglege rettar og plikter kan partane melde inn til doktorgradsutvalet for avgjerd.

§ 7-2. Innhald i rettleiingaegen side

(1) Kandidat og rettleiarar skal ha jamleg kontakt. Rettleiarane har ansvar for å følgje opp den faglege utviklinga til kandidaten. I den årlege framdriftsrapporten skal det stå kor ofte kandidat og rettleiarar har kontakt, jf. § 9-1.
(2) Rettleiarar pliktar å halde seg orienterte om framdrifta i arbeidet til kandidaten og å vurdere henne i høve til framdriftsplanen i søknaden, jf. § 5-2.
(3) Rettleiarane pliktar å følgje opp faglege forhold som kan medføre forseinka gjennomføring av forskarutdanninga, slik at ho kan gjennomførast på normert tid.
(4) Rettleiarane skal gje råd om formulering og avgrensing av tema og problemstillingar, drøfte og vurdere hypotesar og metodar, drøfte resultat og tolkinga av desse, drøfte opplegg og gjennomføring av framstillinga, også disposisjon, språkleg form, dokumentasjon o.l. og gje hjelp til orientering i faglitteratur og datagrunnlag i forhold til bibliotek, arkiv osv.
(5) Rettleiarane skal gje kandidaten rettleiing i forskingsetiske spørsmål knytt til avhandlinga.

§ 8. Opplæringsdelegen side

§ 8-1. Føremål, innhald og omfangegen side

(1) Ph.d.-utdanninga skal vere lagt opp slik at ho skal kunne fullførast innafor normert tidsramme.
(2) Doktorgradsutvalet har ansvar for at opplæringsdelen, saman med avhandlingsarbeidet, gjev utdanning på høgt fagleg nivå og i samsvar med internasjonal standard, med gjennomføring av eit vitskapleg arbeid, trening i fagleg formidling og innføring i forskingsetikk, vitskapsteori og vitskapleg metode. Opplæringa skal saman med forskingsarbeidet verke til å oppnå forventa læringsutbytte i samsvar med det nasjonale kvalifikasjonsrammeverket.
(3) Opplæringsdelen skal ha eit samla omfang på minst 30 studiepoeng. Retningslinjene for det einskilde ph.d.-programmet kan fastsetje større omfang enn minimumskravet. Det kan også fastsetjast krav til obligatoriske emne i opplæringsdelen. Element som skal gå inn i opplæringsdelen kan normalt ikkje vere eldre enn to (2) år ved opptaksdato.
(4) Høgskulen er ansvarleg for å gje alle ph.d.-studentar tilbod om opplæring på høgt vitskapleg nivå. Retningslinjene for det einskilde ph.d.-programmet gjer greie for opplæringsdelen og kriteria for godkjenning. Om Høgskulen ikkje arrangerer heile opplæringsdelen sjølv, skal det leggjast til rette for at kandidaten kan ta del i tilsvarande opplæring ved ein annan institusjon som gjev godkjend ph.d.-utdanning.

§ 8-2. Rettar for kandidaten ved permisjonegen side

Ph.d.-kandidatar som har foreldrepermisjon frå ph.d.-utdanninga kan likevel følgje undervisninga og ta eksamen i emne og kurs i opplæringsdelen.

§ 9. Rapportering, midtvegs- og sluttseminaregen side

§ 9-1. Rapporteringegen side

(1) System for kvalitetssikring av ph.d.-utdanninga skal femne om tiltak for å avdekkje manglande progresjon i avhandlingsarbeidet og kursdelen og manglar ved rettleiinga, og dessutan rutinar for å følgje opp manglar som vert avdekte. I avtaleperioden skal ph.d.-kandidaten årleg levere skriftlege rapportar til doktorgradsutvalet om framdrift i tråd med ph.d.-planen. Hovudrettleiar leverer årleg separat rapport. Rapportane skal skrivast på eit særskilt skjema.
(2) Kandidat og hovudrettleiar har eit likeverdig ansvar for rapportering. Manglande eller mangelfull framdriftsrapportering frå kandidaten kan føre til tvungen avslutting av forskarutdanninga før opptaksperioden er ute, jf. § 6-2. Rettleiarar som ikkje følger opp rapporteringsplikta kan misse rettleiaransvaret.
(3) Avdelinga kan ved behov krevje særskilt rapportering.

§ 9-2. Midtvegsseminaregen side

(1) Midtvegsevalueringa av doktorgradsarbeidet bør normalt vere gjort før prosjektet har kome til 2/3 av planlagt tid slik det går fram av kontrakten og justert i høve til eventuelle permisjonar. Kandidaten skal presentere arbeidet og bli evaluert av ei gruppe på minst to personar som er oppnemnde av doktorgradsutvalet. Evalueringsgruppa skal ta stilling til den faglege statusen og framdrifta i doktorgradsarbeidet og gje tilbakemelding både til kandidaten, rettleiaren og avdelinga.
(2) Om evalueringsgruppa rapporterer om vesentlege veikskapar ved forskingsarbeidet, skal det setjast i verk tiltak for å rette på situasjonen.

§ 9-3. Sluttseminaregen side

Seinast to månader før innlevering av avhandlinga bør det gjennomførast ei «sluttlesing» i form av eit seminar. Dette vert organisert som ein «prøvedisputas» der kandidaten legg fram eigne resultat (skriftleg og munnleg) og får erfaring med å forsvare ei kritisk lesing av tekstutkast. Hovudkritikar bør som ved midtvegsseminaret vere ein ekstern lesar utan bindingar til prosjektet eller rettleiarane.

§ 10. Ph.d.-avhandlingaegen side

§ 10-1. Krav til avhandlingaegen side

(1) Avhandlinga skal vere eit sjølvstendig vitskapleg arbeid som oppfyller internasjonale standardar når det gjeld etiske krav, fagleg nivå og metode på fagområdet.
(2) Avhandlinga skal vere med og utvikle ny fagleg kunnskap og liggje på eit nivå som tilseier at ho vil kunne publiserast som del av den vitskaplege litteraturen på fagområdet.
(3) Avhandlinga kan vere ein monografi eller ei samanstilling av fleire mindre vitskaplege arbeid. Dersom avhandlinga er sett saman av fleire mindre arbeid, skal det gjerast greie for samanhengen mellom dei i ei samanbindande framstilling («kappe»).
(4) Dersom eit skriftleg arbeid er blitt til i samarbeid med andre forfattarar, skal ph.d.-kandidaten følgje allment aksepterte normer for medforfattarskap i samsvar med tradisjonar i fagmiljøet og internasjonale standardar. Om avhandlinga hovudsakleg er samansett av artiklar, skal kandidaten normalt vere hovud- eller fyrsteforfattar på minst halvparten av artiklane.
(5) I avhandlingar som er sette saman av arbeid med fleire forfattarar, skal det fylgje med ei signert stadfesting som gjer greie for kva kandidaten har utført i kvart einskilt arbeid. Kandidaten sin sjølvstendige del av arbeidet må kunne vere mogleg å identifisere.
(6) Avhandlinga skal vere skriven på norsk, svensk, dansk eller engelsk. Om kandidaten ynskjer å bruke eit anna språk, skal det vere søkt om særskilt løyve til det ved opptak, jf. § 5-2.

§ 10-2. Arbeid som ikkje vert godtekeegen side

(1) Arbeid eller delar av arbeid som har vorte godteke som grunnlag for tidlegare avlagde eksamenar eller grader, kan ikkje godtakast for vurdering. Data, analysar eller metodar frå tidlegare grader kan likevel nyttast som grunnlag for arbeid med ph.d.-avhandlinga.
(2) Ei avhandling kan ikkje leverast til vurdering av fleire i fellesskap. Det er normalt ikkje høve til å la eitt eller fleire arbeid (artiklar) vere ein del av fleire avhandlingar.
(3) Publiserte arbeid kan ikkje godtakast som ein del av avhandlinga om dei ved opptakstidspunktet er eldre enn fem (5) år frå publiseringsdato. Avdelinga kan dispensere frå dette kravet dersom ekstraordinære forhold skulle tilseie det.
(4) Avhandlinga kan innleverast for vurdering berre ved ein lærestad, jf. § 13-1.

§ 11. Meldeplikt om arbeidsresultat som har potensial for næringsmessig utnyttingegen side

(1) Regulering av rettar mellom samarbeidande institusjonar skal fastsetjast i ein eigen avtale.
(2) Gjeldande regelverk ved Høgskulen skal danne utgangspunkt for kva meldeplikt ph.d.-kandidatar med tilsetjing ved Høgskulen har for arbeidsresultat med næringsmessig potensial.
(3) For ph.d.-kandidatar med ekstern arbeidsgjevar skal tilsvarande meldeplikt nedfellast i avtale mellom Høgskulen, ph.d.-kandidaten og den eksterne arbeidsgjevaren.
(4) For ph.d.-kandidatar utan ekstern arbeidsgjevar, skal tilsvarande meldeplikt nedfellast i opptaksavtalen mellom Høgskulen og ph.d.-kandidaten.

Del V. Fullføring

§ 12. Vurderingegen side

§ 12-1. Grunnlag for vurderingegen side

Ph.d.-graden vert tildelt på grunnlag av:
  1. godkjent og offentleggjort vitskapleg avhandling
  2. godkjent gjennomføring av opplæringsdelen
  3. godkjent prøveførelesing over oppgjeve emne
  4. godkjent offentleg forsvar av avhandlinga (disputas).

§ 12-2. Tidsbruk frå innlevering til disputasegen side

Det skal normalt ikkje gå meir enn fem (5) månader frå innlevering av avhandlinga til disputasen vert gjennomført.

§ 13. Innleveringegen side

§ 13-1. Innlevering av avhandlingaegen side

(1) Søknad om å få avhandlinga vurdert kan sendast etter at opplæringsdelen er godkjend.
(2) Dette skal leggjast ved søknaden:
  1. Avhandlinga i godkjent format og i tråd med det Høgskulen har fastsett
  2. Dokumentasjon på at opplæringsdelen er fullført
  3. Dokumentasjon av nødvendige løyve, jf. § 5-2 (5)
  4. Medforfattarerklæringar der det er kravd i tråd med § 10-1 (4)
  5. Erklæring om at doktorgradsarbeidet er levert til vurdering for fyrste eller andre gong
  6. Erklæring om at doktorgradsarbeidet ikkje er levert til vurdering ved ein annan institusjon.

§ 13-2. Handsaming av søknadenegen side

(1) Avdelinga tek stilling til søknaden om å få avhandlinga vurdert. Ein søknad som ikkje fyller krava i § 13-1 skal avvisast.
(2) Avdelinga kan på sjølvstendig grunnlag avvise søknaden om å få avhandlinga vurdert dersom det er utvilsamt at avhandlinga ikkje held høg nok vitskapleg kvalitet og vil bli underkjent av ein komité.

§ 14. Oppnemning av vurderingskomitéegen side

(1) Oppnemning av vurderingskomité skjer i tråd med dei utfyllande retningslinjene for det einskilde ph.d.-programmet.
(2) Når vilkåra for oppnemning av vurderingskomité er oppfylt, oppnemner doktorgradsutvalet, etter framlegg frå hovudrettleiar, ein sakkunnig komité på minst tre medlemer som skal vurdere avhandlinga, disputasen og prøveførelesinga.
(3) Samansetjing av komitéen bør vere klarlagt når søknad om vurdering vert levert inn. Vurderingskomitéen skal normalt setjast saman slik at:
  1. begge kjønn er representerte
  2. minst to av medlemene er utan tilknyting til Høgskulen
  3. minst eitt av medlemene har hovudstilling ved ein utanlandsk institusjon
  4. alle medlemene har doktorgrad eller tilsvarande kompetanse.
(5) Om kriteria ikkje vert fylgde, skal dette grunngjevast særskilt.
(6) Samansetjinga av komitéen skal grunngjevast med korleis han samla dekkjer fagfeltet avhandlinga omhandlar. Doktorgradsutvalet utpeikar ein administrator mellom medlemene av komitéen eller i tillegg til medlemene av komitéen.
(7) Oppnemnde rettleiarar kan ikkje vere medlem av vurderingskomitéen eller administrere han.
(8) Doktorgradsutvalet kan, ved fråfall, oppnemne eit settemedlem til vurderingskomitéen.
(9) Kandidaten skal orienterast om framlegget til samansetjing av komité og har høve til å levere skriftlege merknader seinast éi veke etter at det er gjort kjent for kandidaten.

§ 15. Arbeid i vurderingskomitéenegen side

§ 15-1. Innhenting av supplerande opplysningaregen side

(1) Vurderingskomitéen kan krevje å få lagt fram ph.d.-kandidatens grunnlagsmateriale og utfyllande eller oppklarande tilleggsinformasjon.
(2) Vurderingskomitéen kan be rettleiar om å gjere greie for rettleiinga og arbeidet med avhandlinga.

§ 15-2. Omarbeiding av innlevert avhandlingegen side

(1) Vurderingskomitéen kan på grunnlag av den innleverte avhandlinga og eventuelt tilleggsmateriale, jf. § 15-1, tilrå at det vert gjeve løyve til mindre omarbeiding før endeleg innstilling vert gjort. Komitéen skal gje eit konkret oversyn i skriftleg form over kva kandidaten må omarbeide.
(2) Om avdelinga gjev løyve til ei mindre omarbeiding av avhandlinga, skal det gjevast ein frist for omarbeiding som ikkje skal vere lengre enn tre (3) månader. Det skal også fastsetjast ein ny frist for oversending av endeleg komitéinnstilling. Avdelinga sitt vedtak etter denne paragrafen kan ikkje klagast på av ph.d.-kandidaten.
(3) Dersom komitéen finn at det trengst djuptgåande endringar som gjeld teori, hypotese, materiale eller metode for at arbeidet skal kunne tilrådast til disputas, skal komitéen underkjenne avhandlinga.

§ 15-3. Innstillinga frå vurderingskomitéenegen side

(1) Vurderingskomitéen gjev innstilling om i kva grad arbeidet er verdig til forsvar for ph.d.-graden. Innstillinga og eventuelle dissensar skal grunngjevast.
(2) Vurderingskomitéen si innstilling skal liggje føre seinast tre (3) månader etter at komitéen har motteke avhandlinga. Om komitéen tilrår omarbeiding, og avdelinga gjev løyve til det, startar ein ny frist frå den datoen avhandlinga vert levert på nytt.
(3) Vurderingskomitéen si innstilling skal sendast til avdelinga som legg henne fram for ph.d.-kandidaten. Kandidaten får ein frist på ti (10) arbeidsdagar til å fremje skriftlege merknader til innstillinga. Om kandidaten ikkje ynskjer å fremje merknader, skal avdelinga snarast få skriftleg melding om det.
(4) Eventuelle merknader frå ph.d.-kandidaten skal sendast til avdelinga. Avdelinga gjer vedtak i saka i samsvar med § 16.

§ 15-4. Retting av formelle feil i avhandlingaegen side

(1) Eit innlevert arbeid kan ikkje dragast attende før det er endeleg avgjort om det er verdig til å verte forsvart for ph.d.-graden.
(2) Ph.d.-kandidaten har høve til å rette formelle feil i avhandlinga etter innlevering. Kandidaten må då utarbeide eit fullstendig oversyn over feila (errata) kandidaten ynskjer å rette og sende dette inn seinast fire (4) veker før komitéen har fått frist til å levere innstillinga. Retting av formelle feil kan berre gjerast éin gong.

§ 16. Avdelinga si oppfølging av innstillinga frå vurderingskomitéenegen side

Avdelinga fattar, på grunnlag av vurderingskomitéen si innstilling, vedtak om ph.d.-avhandlinga er verdig til å forsvarast.

§ 16-1. Samrøystes innstillingegen side

(1) Om komitéen gjev samrøystes innstilling og avdelinga vel å leggje den innstillinga til grunn, fattar avdelinga sjølv vedtak i samsvar med den samrøystes innstillinga.
(2) Om avdelinga kjem til at det er tvil om den samrøystes innstillinga skal leggjast til grunn, skal avdelinga be om nærare avklaring frå vurderingskomitéen og/eller oppnemne to nye sakkunnige som gjev individuelle fråsegner om avhandlinga.
(3) Slike tilleggsfråsegner eller individuelle fråsegner skal leggjast fram for ph.d.-kandidaten, som får høve til å kome med merknader.
(4) Avdelinga fattar vedtak i saka på grunnlag av innstillinga og dei innhenta fråsegnene.

§ 16-2. Delt innstillingegen side

(1) Om komitéen gjev delt innstilling og avdelinga vil leggje fleirtalsfråsegna til grunn, fattar avdelinga vedtak i samsvar med fleirtalet si innstilling.
(2) Om vurderingskomitéen gjev delt innstilling og avdelinga vurderer å leggje mindretalet si fråsegn til grunn for vedtak, kan avdelinga be om nærare avklaring frå vurderingskomitéen og/eller oppnemne to nye sakkunnige som gjev individuelle fråsegner om avhandlinga.
(3) Slike tilleggsfråsegner eller individuelle fråsegner skal leggjast fram for ph.d.-kandidaten, som får høve til å kome med merknader. Om begge dei nye sakkunnige sluttar seg til fleirtalet si innstilling i den opphavlege komitéinnstillinga, skal denne innstillinga følgjast.
(4) Kandidaten skal få melding om utfallet etter at avdelinga har vurdert fråsegnene frå nye sakkunnige.

§ 17. Ny innlevering og vurderingegen side

(1) Ei ph.d.-avhandling som ikkje er vurdert som verdig til forsvar, kan vurderast i omarbeidd utgåve fyrst seks (6) månader etter at avdelinga har fatta vedtaket. Ny vurdering kan berre skje éin gong.
(2) Ph.d.-kandidaten skal ved ny innlevering opplyse om at arbeidet tidlegare har vore innlevert og då vorte vurdert som ikkje verdig til forsvar.

§ 18. Offentleggjering av avhandlingaegen side

§ 18-1. Krav til den trykte avhandlingaegen side

(1) Når avhandlinga er vurdert som verdig til å forsvarast, skal ph.d.-kandidaten levere henne til avdelinga i godkjent format og i samsvar med Høgskulens føresegner, jf. § 13-1.
(2) Ph.d.-kandidaten skal levere eit kort samandrag av avhandlinga både på norsk og engelsk. Om avhandlinga ikkje er skriven på engelsk eller norsk, skal det i tillegg leverast eit samandrag på språket i avhandlinga. Samandraget skal, til liks med sjølve avhandlinga, publiserast offentleg.

§ 18-2. Offentleggjeringegen side

(1) Avhandlinga skal vere offentleg tilgjengeleg seinast to (2) veker før dato for offentleg forsvar. Avhandlinga skal vere tilgjengeleg i den forma ho vart levert til vurdering, eventuelt etter omarbeiding på grunnlag av førebelse kommentarar frå komitéen, jf. § 15-2.
(2) Det kan ikkje leggast restriksjonar på offentleggjering av ei doktorgradsavhandling med unnatak av om det på førehand er avtalt utsetjing av datoen for offentleggjering. Ei slik utsetjing kan skje for at Høgskulen og eventuelt ekstern part som heilt eller delvis har finansiert ph.d.-utdanninga, skal kunne ta stilling til eventuell patentering. Ekstern part kan ikkje stille krav om at heile eller delar av ph.d.-avhandlinga ikkje skal kunne offentleggjerast, jf. § 5-5.
(3) Ved publisering av avhandlinga skal kandidatar fylgje gjeldande retningslinjer for kreditering av Høgskulen. Hovudregelen er at ein institusjon skal oppgjevast som adresse i ein publikasjon om han har gjeve eit naudsynt og vesentleg bidrag til eller grunnlag for at ein forfattar har medverka til det publiserte arbeidet.
(4) Same forfattar skal oppgje også andre institusjonar som adresse om desse i kvart einskilt høve tilfredsstiller kravet til medverknad.

§ 19. Doktorgradsprøveegen side

Om arbeidet er vurdert som verdig til forsvar, vert doktorgradsutdanninga avslutta med
  1. offentleg prøveførelesing over oppgjeve emne og
  2. disputas.

§ 19-1. Prøveførelesingegen side

(1) Prøveførelesinga er ein sjølvstendig del av doktorgradsprøva og skal vere over oppgjeve emne. Føremålet er å prøve kandidaten si evne til å tileigne seg kunnskapar utover temaet i avhandlinga og evna til å formidle desse i ein førelesingssituasjon.
(2) Vurderingskomitéen gjev emne for prøveførelesinga og står sjølv føre vurderinga.
(3) Tittelen på prøveførelesinga vert kunngjort for ph.d.-kandidaten ti (10) arbeidsdagar før førelesinga. Emnet for førelesinga skal ikkje stå i direkte samband med temaet for avhandlinga.
(4) Prøveførelesinga skal finne stad på avhandlingsspråket om ikkje Høgskulen godkjenner eit anna språk.
(5) Vurderingskomitéen avgjer om prøveforelesinga er godkjend eller ikkje godkjend. Det skal grunngjevast om prøveførelesinga ikkje vert godkjend.
(6) Om vurderingskomitéen ikkje godkjenner prøveførelesinga, må det haldast ny prøveførelesing. Ny prøveførelesing må haldast over nytt emne og ikkje seinare enn seks (6) månader etter fyrste forsøk. Ny prøveførelesing kan berre haldast éin gong. Førelesinga skal om det er mogleg vurderast av same vurderingskomité som den opphavlege, om ikkje avdelinga gjer vedtak om noko anna.
(7) Prøveførelesinga skal vere godkjend før disputasen kan haldast.

§ 19-2. Offentleg forsvar av avhandlinga (disputas)egen side

(1) Offentleg forsvar av avhandlinga skal skje etter at prøveførelesinga er halden og godkjend og normalt innan to (2) månader etter at avhandlinga er vurdert som verdig til å kunne forsvarast.
(2) Tid og stad for det offentlege forsvaret skal kunngjerast minst ti (10) arbeidsdagar før det vert gjennomført.
(3) Disputasen skal vere offentleg.
(4) Vurderingskomitéen fungerer som opponentar.
(5) Vurderingskomitéen avtalar sjølv arbeidsfordelinga seg imellom.
(6) I særlege høve kan det oppnemnast opponentar som ikkje har vore medlemer av komitéen.
(7) Disputasen vert leia av dekan eller den som dekan utpeikar. Den som leier disputasen gjer kort greie for innleveringa og vurderinga av avhandlinga og for prøveførelesinga og vurderinga av henne. Deretter gjer ph.d.-kandidaten greie for føremålet med og resultatet av den vitskaplege undersøkinga. Vurderingskomitéen avgjer sjølv rekkjefylgja på opponentane.
(8) Etter at alle opponentar har avslutta sin opposisjon, får dei andre som er til stades høve til å kommentere ex auditorio.
(9) Vurderingskomitéen gjev innstilling til Høgskulen om disputasen bør godkjennast. Innstillinga skal grunngjevast dersom disputasen vert tilrådd ikkje godkjend.

§ 20. Godkjenning av doktorgradsprøveegen side

(1) Høgskulen gjer vedtak om godkjenning av doktorgradsprøva på grunnlag av innstillinga frå vurderingskomitéen.
(2) Om vurderingskomitéen ikkje godkjenner disputasen, kan ph.d.-kandidaten forsvare avhandlinga på nytt éin gong. Ny disputas kan tidlegast haldast etter seks (6) månader og om det er mogleg vurderast av den same vurderingskomitéen som vurderte den fyrste disputasen.

§ 21. Kreering og vitnemålegen side

På grunnlag av godkjend opplæringsdel, vitskapleg avhandling og doktorgradsprøve, kreerer Høgskulen kandidaten til philosophiae doctor og utferdar vitnemål.

§ 22. Vedlegg til vitnemål (Diploma Supplement)egen side

Høgskulen skal utferde Diploma Supplement som vedlegg til vitnemålet.

Del VI. Klage, ikraftsetjing og overgangsreglar

§ 23. Klageegen side

§ 23-1. Klage over avslag på søknad om opptak, vedtak om avslutting av studierett, klage over avslag på søknad om godkjenning av element i opplæringsdelenegen side

Avslag på søknad om opptak, vedtak om avslutting av studierett og avslag på søknad om godkjenning av element i opplæringsdelen kan klagast på etter reglane i forvaltingslova § 28 flg. Grunngjeven klage skal sendast Høgskulen. Vert avslaget ståande, skal klagen sendast til Nemnd for studentsaker ved Høgskulen i Volda for endeleg avgjerd.

§ 23-2. Klage over eksamen i opplæringsdelenegen side

(2) Oppfølging av mistanke om fusk eller forsøk på fusk følgjer Høgskulen sine retningslinjer for dette.

§ 23-3. Klage over avslag på søknad om vurdering, ikkje godkjent avhandling, prøveførelesing eller forsvaregen side

(1) Avslag på søknad om å få avhandlinga vurdert og vedtak om ikkje godkjent avhandling, prøveførelesing eller forsvar kan klagast på etter reglane i forvaltingslova § 28 flg.
(2) Grunngjeven klage skal sendast Høgskulen. Høgskulen kan oppheve eller endre vedtaket. Om Høgskulen ikkje tek klagen til fylgje, vert klagen send til Nemnd for studentsaker for avgjerd.
(3) Nemnd for studentsaker kan prøve alle sider ved det påklaga vedtaket.
(4) Om Høgskulen eller klageinstansen finn grunn til det, kan det oppnemnast einskildpersonar eller eit utval til å gjere ei ny vurdering av den som har vorte gjort og kriteria ho byggjer på, eller å gjere ei ny eller supplerande sakkunnig vurdering.

§ 24. Fellesgrader og cotutelle-avtalaregen side

§ 24-1. Fellesgrader og cotutelle-avtalaregen side

(1) Høgskulen kan inngå samarbeid med ein eller fleire norske eller utanlandske institusjonar om samarbeid i form av fellesgrader eller cotutelle-avtalar.
(2) I avtalar om fellesgradssamarbeid og cotutelle kan det gjerast unnatak for dei andre føresegnene i denne forskrifta, dersom det er naudsynt av omsyn til regelverket ved dei samarbeidande institusjonane.

§ 24-2. Fellesgraderegen side

Med fellesgrader er det meint samarbeid mellom fleire institusjonar, der alle i fellesskap har ansvar for opptak, rettleiing, gradstildeling og anna som er omtala i denne forskrifta. Samarbeidet vert normalt organisert i eit konsortium og vert regulert i avtale mellom konsortiedeltakarane. For fullført fellesgrad vert det utferda felles vitnemål i form av:
  1. eit vitnemålsdokument utferda av alle konsortiemedlemmane,
  2. eit vitnemål frå kvar av konsortiedeltakarane,

eller ein kombinasjon av a) og b).

§ 24-3. Cotutelle-avtalaregen side

(1) Med cotutelle-avtalar er det meint felles rettleiing av ph.d.-kandidatar og samarbeid om utdanning av ph.d.-kandidatar.
(2) Cotutelle-avtalen vert inngått mellom institusjonane for kvar einskild kandidat.

§ 24-4. Krav ved fellesgrader og cotutelleegen side

(1) Det kan ikkje gjerast unnatak for kvalifikasjonskrav for opptak, krav om at avhandlinga skal vere offentleg tilgjengeleg og krav om offentleg disputas med ein habil vurderingskomité.
(2) Ved avtalar om fellesgradssamarbeid og cotutelle kan rektor dispensere frå forskrifta dersom det er naudsynt av omsyn til regelverket ved dei samarbeidande institusjonane. Slike unnatak skal, både einskildvis og samla, framstå som fullt ut forsvarlege ut frå dei faglege kvalitetskrava som vert stilt til ein tilsvarande ph.d.-grad ved Høgskulen.
(3) Avtalar om fellesgrad og cotutelle må som eit minimum regulere opptak, finansiering, opplæringsdel, rettleiing, opphald ved institusjonane, rapporteringsplikt, språket i avhandlinga, form på avhandlinga, vurdering, gradstildeling, vitnemål og rettar til resultat. Avtalen vert underteikna av rektor. Ph.d.-utdanninga ved samarbeidsinstitusjonen må også ha eit omfang av tre års normert studietid. Kandidaten må takast opp ved begge institusjonane.

§ 25. Ikraftsetjingegen side

Denne forskrifta vert sett i kraft frå 1. oktober 2024.