Kapittel 6. Avlevering av analoge arkiv frå statlege organ til Nasjonalarkivet

Denne siden viser arkivforskrifta § 37. Bruk lenkene over og under bestemmelsen for å navigere til kapittel, forrige eller neste paragraf.

Arkivforskrifta § 37 – Pakking og merking av analoge arkiv

Analoge arkiv frå statlege organ skal, dersom materialet er eigna til det, leggjast i mapper eller anna omslag som skal påførast relevante opplysningar som saksnummer, arkivkode, emne og årstal.

Mappene og anna arkivmateriale skal leggjast i arkivboksar. Dersom analoge arkiv ikkje kan leggjast i arkivboksar, skal dei emballerast på annan tenleg måte. Organet skal samrå seg med Nasjonalarkivet om kva som er tenleg.

Boksar, mapper og annan emballasje skal oppfylle krava i ISO 9706:1994 og ISO 16245:2023.

Protokollar, boksar og annan emballasje skal merkjast med etikettar. Etikettane skal innehalde

namnet på organet som har skapt arkivet
nummeret på protokollen eller boksen
innhaldet i protokollen og boksen
tidsperioden som innhaldet i protokollen eller boksen omfattar.

Eigenproduserte etikettar skal vere på papir som oppfyller krav i ISO 9706. Etikettane skal festast med eit spesiallim med lang haldbarheit. Nasjonalarkivet kan krevje at etikettar skal vere maskinleselege.