Lovspeil

Lov om statleg varekrigsforsikring

Denne siden viser Lov om statleg varekrigsforsikring i en brukervennlig struktur med kapitler, paragrafer og stabile lenker til hver bestemmelse.

Dokumenttype
Lov
Dato
2003-12-12
Nummer
115
Kilde
Lovdata
Departement
Nærings- og fiskeridepartementet
I kraft
2004-01-01
Sist importert
17. juni 2026
Rettsområde
Erstatnings- og forsikringsrett, Ansvarsforsikringer, Stats-, statsforfatnings- og statsborgerrett, Forsvaret
Vis på Lovdata ↗

§ 1. Iverksetjing og avslutting av tilbod om statleg varekrigsforsikringegen side

Kongen kan fastsetje at staten skal tilby varetransportforsikring mot krig, krigsfare eller ekstraordinære kriseforhold i Noreg eller utlandet («varekrigsforsikring») for så vidt det får følgjer for norske interesser og slike omstende kan hindre forsyning og varetransport dersom det private forsikringstilbodet opphøyrer, kan kome til å opphøyre eller ikkje dekkjer ein slik situasjon.
Kongen kan avslutte tilbodet om statleg varekrigsforsikring dersom dei vilkår som er fastlagde i første ledd ikkje lenger er til stades.

§ 2. Verkeområdeegen side

Staten kan tilby varetransportforsikring ved krig, krigsfare eller ekstraordinære kriseforhold av:
  1. varer som blir sende til, frå eller innafor norsk område, og når det er norske interesser som blir dekte, også av varer som blir sende mellom stader i utlandet.
  2. norske reiarar og tidsbefraktarar si frakt på reisebasis, befraktingskommisjon og havaripengar i risiko for norske forsikringstakarar.
Kongen eller den han gir mynde kan fastsetje at også andre interesser kan bli dekte.

§ 3. Organiseringegen side

Ved iverksetjing av statleg varekrigsforsikring som fastlagt i § 1 kan Kongen bestemme at det blir oppretta eit styre med leiar og så mange medlemmer som departementet fastset. Styret skal ha ansvaret for den daglege leiinga og drifta av varekrigsforsikringsordninga. Det skal òg vere eit eige sekretariat.

§ 4. Forskrifteregen side

Kongen kan gi nærare forskrifter om gjennomføring av denne lova.

§ 5. Oppheving av og endringar i andre loveregen side

Forsikringsavtaler som er inngått etter lov av 3. desember 1948 nr. 8 om Statens varekrigsforsikring gjeld inntil dei blir terminerte og plikter etter forsikringsavtalene er gjort opp.

§ 6. Iverksetjingegen side

Lova tek til å gjelde frå den tid Kongen fastset.1