Lovspeil

Forskrift om grunnskoleopplæring og vidaregåande opplæring i Longyearbyen

Denne siden viser Forskrift om grunnskoleopplæring og vidaregåande opplæring i Longyearbyen i en brukervennlig struktur med kapitler, paragrafer og stabile lenker til hver bestemmelse.

Dokumenttype
Forskrift
Dato
2024-06-21
Nummer
1103
Kilde
Lovdata
Departement
Kunnskapsdepartementet
I kraft
2024-08-01
Sist importert
17. juni 2026
Sist oppdatert i kilde
1. november 2024
Vis på Lovdata ↗

§ 1. Formålet med forskrifta og kva forskrifta gjeldegen side

Forskrifta skal leggje til rette for at barn og ungdom i Longyearbyen får god opplæring i eit trygt og godt skolemiljø. Forskrifta skal også bidra til at norske svalbardpolitiske mål kan oppfyllast.
Forskrifta gjeld grunnskoleopplæring og vidaregåande opplæring innanfor Longyearbyen arealplanområde.

§ 2. Ansvaret til Longyearbyen lokalstyreegen side

Longyearbyen lokalstyre skal oppfylle retten til grunnskoleopplæring etter § 4.
Longyearbyen lokalstyre kan drive vidaregåande opplæring, jf. § 5.
Longyearbyen lokalstyre er ansvarleg for at reglane i denne forskrifta blir oppfylte.

§ 3. Grunnskoleopplæring og vidaregåande opplæring i Longyearbyenegen side

Berre Longyearbyen lokalstyre kan drive grunnskoleopplæring og vidaregåande opplæring innanfor Longyearbyen arealplanområde.

§ 4. Rett og plikt til grunnskoleopplæring i Longyearbyenegen side

Barn har rett og plikt til grunnskoleopplæring frå det året dei fyller seks år, til dei har avslutta det 10. trinnet.
Retten til grunnskoleopplæring gjeld når barnet truleg skal vere i Longyearbyen i meir enn tre månader i samanheng. Retten skal oppfyllast så raskt som mogleg og seinast innan éin månad etter at barnet er komme til Longyearbyen og foreldra har meldt frå til Longyearbyen lokalstyre. Barn har plikt til grunnskoleopplæring når dei har vore i Longyearbyen i seks månader i samanheng.
Barn med behov som går ut over plikta til Longyearbyen lokalstyre etter § 6 første ledd bokstav f og § 7, og som derfor ikkje kan få eit forsvarleg utbytte av opplæringa ved Longyearbyen skole, har ikkje rett og plikt til grunnskoleopplæring i Longyearbyen. Ei avgjerd etter regelen her er eit enkeltvedtak og kan påklagast etter reglane i forvaltningsloven. Statsforvaltaren i Troms og Finnmark er klageinstans.

§ 5. Rett til vidaregåande opplæring i Longyearbyenegen side

Ungdom i Longyearbyen som har fullført grunnskolen eller tilsvarande opplæring, har same rett til vidaregåande opplæring som dei ville hatt i Fastlands-Noreg. Retten kan oppfyllast gjennom vidaregåande opplæring i Longyearbyen eller gjennom vidaregåande opplæring på norsk fastland etter reglane i opplæringslova.
Longyearbyen lokalstyre kan fastsetje forskrift med vilkår for inntak til vidaregåande opplæring ved Longyearbyen skole, blant anna krav om bustadadresse i Longyearbyen, krav om språkkunnskapar og at det ikkje er behov for individuell tilrettelegging av opplæringa. Inntaksvilkåra må vere objektive, ikkje-diskriminerande og dei må kunne etterprøvast.

§ 6. Reglar i opplæringslova som gjeld for opplæring i Longyearbyenegen side

Desse reglane i opplæringslova gjeld for grunnskoleopplæring og vidaregåande opplæring i Longyearbyen:
  3. §§ 3-1 første og andre ledd, 3-2 første og fjerde ledd, 3-6 første ledd første punktum og andre ledd, 3-7
  6. § 5-4, men Longyearbyen lokalstyre kan gjere nødvendige og forsvarlege justeringar i fag- og timefordelinga
Oppgåver som etter opplæringslova eller forskrifter til lova er lagde til kommunen eller fylkeskommunen, skal liggje til Longyearbyen lokalstyre. Oppgåver som etter opplæringslova eller forskrifter til lova er lagde til statsforvaltaren, skal liggje til Statsforvaltaren i Troms og Finnmark.
Statsforvaltaren skal føre tilsyn i samråd med Sysselmeisteren på Svalbard.
Når statsforvaltaren behandlar klage over enkeltvedtak, skal saka leggjast fram for Sysselmeisteren til uttale om svalbardfaglege omsyn. Statsforvaltaren skal leggje stor vekt på uttalen frå Sysselmeisteren i vurderinga av saka.

§ 7. Avgrensa rett til individuell tilrettelegging i grunnskoleopplæring i Longyearbyenegen side

Elevar med behov for mindre eller moderat tilrettelegging av opplæringa har rett til individuell tilrettelegging, jf. opplæringslova §§ 11-1 til 11-11 og § 11-13, med dei avgrensingane som følgjer av regelen her.
I vurderinga av om eleven har rett til individuell tilrettelegging, skal det blant anna leggjast vekt på
  1. det samla behovet eleven har for tilrettelegging og tenester for å kunne ta del i opplæringa og oppnå eit forsvarleg utbytte av ho
  2. i kva grad tilrettelegginga vil vere kostnadskrevjande
  3. påverkinga på opplæringstilbodet til andre elevar
  4. at skolen ikkje skal kompensere for andre tenestetilbod som ikkje finst og reglar som ikkje gjeld i Longyearbyen.
Elevar har berre i særlege tilfelle rett til éin-til-éin-undervisning eller ein dedikert personalressurs, for eksempel lærar, assistent eller spesialpedagog. Elevar har ikkje rett til slik tilrettelegging i meir enn ein avgrensa del av opplæringa og i ein kortare periode.
Retten til individuell tilrettelegging er elles avgrensa av den kapasiteten og kompetansen som Longyearbyen lokalstyre rår over.

§ 8. Forskrifter etter opplæringslova som gjeld for opplæring i Longyearbyenegen side

Desse reglane i opplæringsforskrifta gjeld for grunnskoleopplæring og vidaregåande opplæring i Longyearbyen:
  3. § 4-1, med unntak av første ledd bokstav c

§ 9. Ikraftsetjingegen side