Lovspeil

Forskrift om avleveringsplikt for allment tilgjengelege dokument

Denne siden viser Forskrift om avleveringsplikt for allment tilgjengelege dokument i en brukervennlig struktur med kapitler, paragrafer og stabile lenker til hver bestemmelse.

Dokumenttype
Forskrift
Dato
2018-07-01
Nummer
1139
Kilde
Lovdata
Departement
Kultur- og likestillingsdepartementet
I kraft
2018-07-01
Sist importert
17. juni 2026
Vis på Lovdata ↗

§ 1. Oppgåvene og myndigheita til Nasjonalbiblioteketegen side

Dokument omfatta av pliktavleveringslova skal leverast til Nasjonalbiblioteket.
Nasjonalbiblioteket gjer vedtak i spørsmål om pliktavlevering etter forskrifta her.
Nasjonalbiblioteket skal gjennom informasjonstiltak, kontroll og purrerutinar syte for at avleveringsplikta vert etterlevd.

§ 2. Dokument omfatta av avleveringspliktaegen side

Avleveringa gjeld fysiske og digitale dokument som er
  1. skriftlege
  2. levande bilete og film
  3. lydfestingar
  4. kombinasjonar av bokstav a, b og c
  5. lyd- og biletprogram
  6. dataspel
  7. nettbaserte.

§ 3. Forma og kvaliteten på eit dokumentegen side

Fysiske og digitale dokument skal avleverast i den forma dei vert gjort allment tilgjengelege i, når ikkje noko anna er særskilt fastsett eller det går fram av samanhengen.
Avleveringseksemplar skal vere fullstendige og lytefrie og avleverast med omslag, futteral o.l. som følgjer det allment tilgjengelege dokumentet.
Nasjonalbiblioteket kan berre krevje dokumenta avlevert i ei form eller ein kvalitet som er naudsynt for å ivareta formåla med lova.

§ 4. Følgjeopplysningar og metadataegen side

Nasjonalbiblioteket kan krevje at følgjeopplysningar og metadata som er naudsynte for å ivareta formålet med lova, blir sendt inn saman med avleveringspliktig eksemplar. Berre følgjeopplysningar og metadata som vert skapte i samband med produksjonen av dokumentet skal avleverast.

§ 5. Pakking og sendingegen side

Avleveringseksemplar skal vere forsvarleg pakka ved innsendinga. Dersom eksemplara er skadde, og dette skuldast aktløyse frå den avleveringspliktige si side, skal avsendaren utan opphald sende inn nye eksemplar.
Digitale dokument skal sendast inn på ein fysisk berar eller overførast via nettverk.

§ 6. Tidspunkt for innsendingegen side

Utgjevar og importør skal sende inn avleveringseksemplar når dokumentet vert gjort tilgjengeleg for allmenta, om ikkje noko anna er særskilt fastsett.
Den som har produsert eit dokument skal sende inn avleveringseksemplar seinast ein månad etter at dokumentet er produsert.
Nasjonalbiblioteket kan avtale med den avleveringspliktige andre tidspunkt for å sende inn dokumenta.

§ 7. Avgrensingaregen side

Eit dokument er ikkje omfatta av avleveringsplikta når det
  1. er laga i Noreg for ein utanlandsk utgjevar berre for ein utanlandsk marknad
  2. vert gjort tilgjengeleg berre ved utdeling, framsyning eller framføring som del av undervisning, føredrag eller liknande.
Nasjonalbiblioteket kan lempe på eller heilt gjere unnatak frå avleveringsplikta.

§ 8. Fordelinga av avleveringspliktaegen side

Avleveringsplikta skal delast mellom den som har produsert dokumentet og utgjevaren.
Er eit dokument produsert i Noreg, skal den som har produsert det levere tre eksemplar og utgjevaren fire.
Utgjevaren skal levere alle avleveringseksemplara dersom
  1. dokumentet er digitalt
  2. dokumentet er ei avis
  3. delar av dokumentet vert produsert av fleire produsentar
  4. utgjevaren har produsert dokumentet sjølv eller har fått det laga i utlandet.
Produsenten skal levere alle avleveringseksemplara dersom utgjevaren er utanlandsk.
Importøren skal levere alle avleveringseksemplara dersom både produsenten og utgjevaren er utanlandske.
Nasjonalbiblioteket kan fastsetje ei anna fordeling eller leggje heile avleveringsplikta på ein av dei leveringspliktige.

§ 9. Fordeling av fysiske eksemplaregen side

Dokument som vert levert inn med inntil sju eksemplar, skal Nasjonalbiblioteket vidaresende til universitetsbiblioteka i Oslo, Bergen, Trondheim og Tromsø og til Sametingets bibliotek i Karasjok.
Dei mottekne eksemplara skal vidaresendast etter prioriteringa her slik at
  1. det første eksemplaret er tryggingseksemplar i Nasjonalbiblioteket
  2. det andre eksemplaret er brukseksemplar til Nasjonalbiblioteket
  3. det tredje eksemplaret er fjernlånseksemplar til depotbiblioteket ved Nasjonalbiblioteket
  4. det fjerde, femte og sjette eksemplaret vert fordelte til universitetsbiblioteka i Bergen, Trondheim og Tromsø med jamt vekslande prioritering. Dersom ein monaleg del av innhaldet er på samisk språk eller ein monaleg del av innhaldet omhandlar samiske forhold skal det eksemplaret som er meint for Bergen fordelast til Sametingets bibliotek
  5. det sjuande eksemplaret vert fordelt til Universitetsbiblioteket i Oslo.

§ 10. Bevaringsplikta og registreringaegen side

Nasjonalbiblioteket pliktar utan tidsavgrensing å ta vare på eitt eksemplar av alle dokument som tryggingseksemplar.
Nasjonalbiblioteket skal snarast råd registrere dei mottekne dokumenta. For dei tilfella der det vil vere særleg arbeidskrevjande eller upraktisk å registrere kvart dokument einskilt, kan Nasjonalbiblioteket avgjere at dokumenta skal ordnast i grupper etter emne og art.
Nasjonalbiblioteket har ansvaret for å katalogisere på nasjonalbibliografisk nivå og tilhøyrande katalogprodukt.

§ 11. Skriftlege dokumentegen side

Som skriftlege dokument reknast
  1. bøker
  2. nummererte og unummerete seriar av til dømes rapportar, skrift og særtrykk
  3. periodiske skriftstykke som til dømes tidsskrift, vekeblad, aviser, bedriftsaviser, medlemsblad og kyrkjelydsblad
  4. brosjyrar
  5. flygeblad og opprop
  6. rettleiingshefte, katalogar og faldarar som til dømes muséguidar, utstillingskatalogar og turisthandbøker
  7. lover, reglement, statuttar og vedtekter for bedrifter, lag, institusjonar og organisasjonar
  8. prislister og reklameprent
  9. program for til dømes idrettsarrangement, konsertar og teaterframsyningar og politiske parti
  10. rundskriv
  11. tabellar – t.d. lønstariffar
  12. årsmeldingar, kvartalsrapportar o.l. frå bedrifter, lag, institusjonar og organisasjonar
  13. bilet-, kart- og musikkprent, grafiske tabellar og planar, plakatar, postkort, prospekt og plansjar
  14. dokument i blindeskrift når informasjonen berre finst i denne skriftforma
  15. andre allment tilgjengelege skriftlege dokument som ikkje er nemnde i andre ledd.
Desse skriftlege dokumenta skal likevel ikkje avleverast
  1. blankettar, formular, skjema og liknande som skal fyllast ut
  2. etikettar, skrivepapir og konvoluttar med preg, visittkort, adressekort og liknande
  3. emballasjetrykk i varehandelen
  4. dokument i blindeskrift dersom den same informasjonen ligg føre i vanleg skrift
  5. dokument som i all hovudsak inneheld informasjon som er direkte utdrag frå andre allment tilgjengelege dokument
  6. spel, utklippsbilete og kalendrar utan annan tekst enn datoar
  7. innbydingar og menyar
  8. billettar, lodd og andre verdirepresentativ
  9. kunstverk som målarstykke, grafiske blad og liknande.

§ 12. Levande bilete og filmegen side

Filmar som er utgjevne på ein fysisk berar, skal leverast i inntil sju fysiske eksemplar.
Dokument med levande bilete som er gjorde tilgjengelege via elektroniske kommunikasjonsnett og med kunstnariske, kommersielle eller allmennopplysande formål, skal leverast i eitt digitalt eksemplar.
Filmar som er offentleg framførte og ikkje berre tilgjengelege via elektroniske kommunikasjonsnett, skal leverast i minst eitt brukseksemplar og ein masterkopi. Alle versjonar av ein film skal avleverast.

§ 13. Lydfestingaregen side

Lydfestingar av musikk eller tale som er utgjevne på ein fysisk berar, skal leverast i inntil sju eksemplar.
Dersom lydopptak vert gjevne ut på fleire medium eller tekniske plattformer, t.d. grammofonplate, kassettband og kompaktplate skal det avleverast inntil sju eksemplar av kvart slag.
Lydfestingar som er tilgjengelege via elektroniske kommunikasjonsnett for kunstnarlege, kommersielle eller allmennopplysande formål, skal avleverast i eitt digitalt eksemplar.

§ 14. Kombinasjonar av skriftlege dokument, levande bilete og film og lydfestingaregen side

Dersom dokument i ulike medium og tekniske plattformer utgjer ein heilskap, til dømes som læremiddelpakker, skal utgjevaren avlevere sju komplette eksemplar av det kombinerte dokumentet. Kombinerte dokument som berre er digitale, skal avleverast i eitt digitalt eksemplar. Dersom utgjevaren er utanlandsk, skal importøren avlevere eksemplara.

§ 15. Kringkasting og audiovisuelle tingingstenesteregen side

Norsk rikskringkasting AS og andre kringkastarar og tenestetilbydarar etter kringkastingslova § 1-1 bokstav f skal avlevere alle lyd- og biletprogram som er kringkasta eller gjort tilgjengelege i ei audiovisuell tingingsteneste, jf. kringkastingslova § 1-1 bokstav a og d.
Dokumenta skal avleverast Nasjonalbiblioteket i eitt digitalt eksemplar seinast sju yrkedagar etter at innhaldet vart publisert første gongen.

§ 16. Dataspelegen side

Dataspel skal avleverast i inntil sju eksemplar når dei er utgjevne på ein fysisk berar, men i eitt eksemplar dersom det berre er gjort tilgjengeleg via elektroniske kommunikasjonsnett.

§ 17. Nettarkivnemndaegen side

Avslag frå Nasjonalbiblioteket på ein søknad om å klausulere eller slette eit dokument etter lov 9. juni 1989 nr. 32 om avleveringsplikt for allment tilgjengelege dokument § 4b, kan klagast inn til Nettarkivnemnda.
Nemnda skal ha tre medlemmer med personlege varamedlemmer. Kulturdepartementet oppnemner medlemmene. Leiaren skal vere jurist.
Kulturdepartementet har ikkje instruksjons- eller omgjeringsrett overfor Nettarkivnemnda i enkeltsaker.
Medlemmene skal oppnemnast for ein periode på inntil fire år og kan gjenoppnemnast ein gong. Nettarkivnemnda skal ha eit saksførebuande sekretariat.
Nettarkivnemnda kan berre treffe vedtak når nemnda er fulltalig. Nemnda skal avgjere klagene med alminneleg fleirtal.

§ 18. Ikraftsetjingegen side

Forskrifta gjeld frå 1. juli 2018. Frå same tidspunkt vert forskrift 25. mai 1990 nr. 427 om avleveringsplikt for allment tilgjengelege dokument oppheva.