Lovspeil

Forskrift for masterstudiet ved Bergen Arkitekthøgskole

Denne siden viser Forskrift for masterstudiet ved Bergen Arkitekthøgskole i en brukervennlig struktur med kapitler, paragrafer og stabile lenker til hver bestemmelse.

Dokumenttype
Forskrift
Dato
2019-03-04
Nummer
179
Kilde
Lovdata
Departement
Kunnskapsdepartementet
I kraft
2019-03-04
Sist importert
17. juni 2026
Vis på Lovdata ↗

Kapittel 1. Generelle vedtak

§ 1-1. Formål og verkeområdeegen side

(1) Formålet med forskrifta er å informere om reglar for opptak til studiet, organisering av studiet og eksamen, for å sikre ei forsvarleg gjennomføring av studiet.
(2) Forskrifta regulerer søkjaren, studenten og høgskulen sine pliktar og rettar ved Bergen Arkitekthøgskole.
(3) Forskrifta gjeld for alle studentar opptatt ved masterstudiet ved BAS.
(4) Styret for BAS har ansvar for at utdanninga vert gjennomført i samsvar med regelverket.

§ 1-2. Definisjonaregen side

(1) Eksamen: Eksamen er den formelle vurderinga av det faglege nivået. Eksamen på BAS har karakterane Bestått/Ikkje bestått. I 1. avdeling vert studentane formelt vurdert etter kvart år, som kvalifiserer for å studera vidare ved BAS. I 2. avdeling er kvart semesterkurs å rekne som ein eksamen, og vert vurdert med karakteren Bestått/Ikkje bestått. Det siste semesteret, diplomsemesteret vert avslutta med eksamen i sjølvformulert oppgåve. Bestått diplomeksamen gir tittelen master i arkitektur.
(2) Fagområde/emneområde: BAS-studiet er organisert i fire hovudfagområde:

APP – arkitektur, planlegging og prosjektering

TTA – teknologi, teknikk, økonomi og administrasjon

DAV – «den andre verda» – utvikling av frie uttrykk, kunstnarlege fag

KTF – kompletterande teorifag/universitetsfag.

(3) Gjennomgang og vurdering: Alle kurs, uansett nivå og lengde, vert avslutta med felles gjennomgang der kvar student presenterer prosjektet/arbeidet sitt for klassen, hovudlærar, eventuelle gjestelærarar og konsulentar, for å drøfte – og få konstruktiv tilbakemelding på sitt arbeid i plenum. På lengre kurs vert det også halde mellomgjennomgang undervegs.
(4) Godskriving: Godkjenning av beståtte fag, emner, eksamener eller prøver på grunnlag av dokumentasjon frå andre universitet og høgskoler som tilbyr akkrediterte studier etter universitets- og høyskoleloven.
(5) Fritak: Godkjenning av fag, emner, eksamen, prøver, kurs og liknande på grunnlag av dokumentasjon av til dømes realkompetanse, utanlandsk høgre utdanning, utdanning tatt ved andre norske institusjonar som ikkje tilbyr akkrediterte studier etter universitets- og høyskoleloven.
(6) Ny eksamen: Eksamen arrangert for student som har gyldig fråvær ved ordinær eksamen eller på grunn av klage på karakter.
(7) Sensorar: eksterne og interne fagpersonar som vurderer prosjekt under eksamen.
(8) Student: Student er den som er tatt opp til studiet ved BAS på grunnlag av dei opptakskrav som BAS stiller og som har betalt studieavgift for gjeldande semester.
(9) Studieavgift: BAS er ein privat skule og studentar skal betale semestervis studieavgift til skulen. Studieavgift er fastsett av høgskulestyret ved BAS. Studentar som ikkje betaler studieavgift har ikkje studierett ved BAS.
(10) Studieprogram: BAS sitt studieprogram er basert på eit femårig studieløp etter modellen 3+2 år som gir totalt 300 studiepoeng. Dei 3 fyrste åra ved BAS vert referert til som 1. avdeling, den grunnleggjande undervisinga. Dei 2 siste åra ved BAS vert referert til som 2. avdeling/master.
(11) Studiepoeng: Mål på arbeidsomfang i studiet: 60 studiepoeng tilsvarar eitt års studium på full tid.
(12) Utsatt eksamen/innlevering: På grunnlag av dokumentert sjukdom, annan tvingande fråværegrunn eller supplering kan ein student få utsatt innlevering/eksamen. Individuell sakshandsaming, sensurering på seinare fastsatt tidspunkt.

§ 1-3. Studentens undersøkings- og opplysningspliktegen side

Alle studentar pliktar å sette seg inn i gjeldande forskrift for masterstudiet ved Bergen Arkitekthøgskole. Vidare pliktar studenten å sette seg inn i retningslinjer, studieplanar, kursbeskrivingar, eksamensplanar, ordensreglement og anna informasjon om studiet.

§ 1-4. Bortvisning og utestengingegen side

(1) Ein student som tross skriftleg åtvaring frå rektor (etter fullmakt frå Styret), gjentekne gonger opptrer på ein måte som verker grovt forstyrrande for medstudentar sitt arbeid eller for verksemda ved institusjonen elles, kan etter vedtak frå Styret sjølv eller institusjonen si klagenemnd, visast bort frå nærare bestemte område ved institusjonen for inntil eit år. Dersom ein student etter skriftleg åtvaring frå Styret, ikkje respekterer slik bortvising, kan Styret sjølv eller institusjonen si klagenemnd utestenge han eller henne frå studiet i inntil eit år.
(2) Vedtak om bortvising eller utestenging vert treft etter styrevedtak med minst to tredjedels fleirtal. Vedtak om slik reaksjon kan påklagast av studenten etter reglane i forvaltningslova. Vedtak om bortvising kan påklagast til departementets særskilte klageorgan, jf. lov om universiteter og høyskoler § 4-8 (4).

Kapittel 2. Opptak

§ 2-1. Opptaksrammeregen side

(1) Styret fastset opptaksramme for det einskilde studieprogrammet.
(2) Bergen Arkitekthøgskole tek normalt opp studentar for studiestart i haustsemesteret.
(3) Bergen Arkitekthøgskole er ikkje med i Samordna opptak. BAS står sjølv for opptaket til høgskulen.

§ 2-2. Ordinært opptakegen side

(1) Det vert tatt opp inntil 30 studentar årleg til masterstudiet i arkitektur.
(2) Frist for å søkje opptak ved masterstudiet på BAS er 15. april. Søkjarar som avsluttar utdanning eller tek eksamen etter søknadsfristen, må og søkje innan fristen. Vitnemål ettersendast så snart det ligg føre. Opptakskomiteen er ikkje pliktig til å vurdere søknader som kjem inn etter søknadsfrist.
(3) Ordinære søknadar vert handsama av ein eigen opptakskomité beståande av lærar- og studentrepresentantar. Dei ulike partane vel sjølv kandidatar til opptakskomiteen.
(4) For opptak til mastergradsstudiet ved BAS vert det stilt krav at søkjar har generell studiekompetanse eller er kvalifisert på ein annan måte i høve til forskrift 6. januar 2017 nr. 13 om opptak til høgre utdanning § 3-1 og § 4-4 (2), samt har levert skriftleg søknad og at intervju er gjennomført etter nærare reglar fastsett av institusjonen. Søkjarar til første år med utdanning frå land utanfor Norden må i tillegg dokumentere at han/ho har tilfredsstillande kunnskap i norsk og engelsk.
(5) Opptak skjer etter at søkjar har fulgt BAS sin prosedyre:
  1. søknad på eige skjema innan søknadsfrist og
  2. intervju (for dei som vert invitert av skulen etter gjennomgang av innkomne søknader på eige skjema).
(6) Rangering skjer etter regler fastsett av institusjonen, i høve til kriteria spesifisert i opptaksprosedyre og basert på skriftleg søknad og intervju, og jf. forskrift 6. januar 2017 nr. 13 § 7-14.
(7) Alle søkjarar får skriftleg svar på søknad.
(8) Søkjarar som får tilbod om studieplass må innan dato, nemnt i BAS sitt tilbodsbrev, returnere signert studiekontrakt og betale inn del av studieavgift.
(9) Utsatt studiestart: det er ikkje høve til å søkje utsatt studiestart.

§ 2-3. Opptak til 2. avdeling basert på godskriving og fritakegen side

(1) Student som har fullført utdanning på minimum bachelornivå ved annan akkreditert utdanningsinstitusjon, med eit fagleg innhald som dekker same faglege krav og innhald som kursa i 1. avdeling, kan etter søknad tildelast studieplass på BAS sitt masterstudium med oppstart direkte i 2. avdeling.
(2) Søknad om opptak direkte i 2. avdeling må sendast skriftleg til BAS innan 15. april, saman med dokumentasjon for bestått utdanning, motivasjonsbrev og portfolio. Søknaden vert handsama av ein eigen opptakskomité beståande av lærar- og studentrepresentantar.
(3) Studentar som er tatt opp direkte i 2. avdeling kan berre søkje ytterlegare godskriving eller fritak av eitt semester, tilsvarande 30 studiepoeng.

§ 2-4. Utvekslingsstudentaregen side

BAS tar opp utvekslingsstudentar gjennom bilaterale avtalar med einskildinstitusjonar i Europa og elles i verda. Rektor godkjenner utvekslingsavtalar mellom BAS og andre universitet og høgskular. Talet på utvekslingsplassar vert regulert i høve til BAS sin kapasitet og inngåtte avtalar. Utvekslingsstudentar følger ordinære kurs 1–2 semester, men får ikkje avleggje diplomeksamen. Innkomande utvekslingsstudentar betaler ikkje studieavgift til BAS.

§ 2-5. Gjestestudentaregen side

Studentar frå institusjonar skulen ikkje har avtale med kan søkje 1–2 semester som gjestestudent. Studenten vil då måtte betale full studieavgift til BAS, men kan ikkje ta diplomeksamen ved skulen.

§ 2-6. Klageegen side

Eventuell klage på avgjerd i opptaksspørsmål skal i første omgang rettast til BAS v/opptakskomiteen. Dersom vedtaket ikkje vert omgjort har søkjar høve til å oppretthalde klagen. Klagen vert då avgjort av skulen si klagenemnd.

Kapittel 3. Studieplan og studiegjennomføring

§ 3-1. Studieplanegen side

Studieplanen ligg til grunn for masterstudiet og inneheld målsetjing og organisering av studiet med skildring av dei ulike fagområda. Styret vedtar studieplan for studietilbod ved eventuelt etablering av nytt studietilbod som skal godkjennast av NOKUT. Studiekvalitetsutvalet (SKU) vedtar endringar i studieplanen så framt desse ikkje medfører vesentlege endringar i studiets målsetjing, innhald og ressursrammer. SKU skal rådføre seg med lærarråd.

§ 3-2. Semesterplan/kursbeskrivingegen side

Det skal utarbeidast semesterplan til kvart semester. På 1. avdeling vert det laga semesterplan for kvar klasse medan 2. avdeling skal ha plan/kursbeskriving for kvart kurs. Kursbeskrivingar skal ha mål og innhald i høve til kriteria for nasjonalt og europeisk kvalifikasjonsrammeverk.

§ 3-3. Opphavsrettegen side

(1) Eit prosjekt-, ein diplom eller masteroppgåve kan ikkje nyttast i konkurransar eller liknande som medfører bedømming, eller på annan måte offentleggjering før sensur er gjennomført av BAS med mindre dette er spesifisert og godkjent gjennom oppgåva sitt program.
(2) Ein student har opphavsretten til dei åndsverk han eller ho skaper i overeinsstemming med åndsverkslova. Åndsverk er ifølge lova: «[...] litterære eller kunstneriske verk av enhver art som er uttrykk for original og individuell skapende åndsinnsats.». BAS føreheld seg retten til å gjere bruk av studentarbeid til utstillingar og undervisningsføremål i skulen sin regi. I slike tilfelle skal studenten sitt namn oppgis. BAS kan publisere studentoppgåver eller studentarbeid så fremt studenten har gitt sitt samtykke. BAS sine rettleiarar har ikkje stilling som medforfattar til studentoppgåver, men namn på rettleiarar skal førast opp ved offentleg bruk av diplomoppgåver. BAS eig 50 % i studenten sitt studentarbeid/prosjekt gjort på skulen.
(3) Studenten er sjølv ansvarleg for å innhente ev. patentrettar i sine oppgåver. Dette gjeld og i høve til samarbeid.
(4) Ein samarbeidspart kan krevje teieplikt frå studenten i samband med ei studentoppgåve. Denne teieplikta må ikkje være til hinder for sensorane i deira arbeid med bedømming av oppgåva.

§ 3-4. Studierettegen side

(1) Den som har akseptert studieplass gjennom signert studiekontrakt, betalt studieavgift til skulen og betalt semesteravgift til studentsamskipnaden får studierett ved Bergen Arkitekthøgskole. Studieretten gir rett til undervisning, rettleiing, tilgang til bibliotek, verkstad og studieadministrative tenester.
(2) Studieretten tek slutt når:
  1. Studenten har fullført studiet eller
  2. BAS får melding om at studenten seier frå seg studieplassen eller
  3. studenten i løpet av eit år ikkje har dokumentert aktivitet gjennom betalt studieavgift eller søkt permisjon eller
  4. Studenten har brukt opp sine forsøk til eksamen jamfør § 4-3 i denne forskrifta eller
  5. Studenten ikkje betaler studieavgift eller
  6. når ein aktiv student ikkje har produsert studiepoeng i løpet av dei to siste åra. Styret fattar vedtak om tap av studierett. Vedtak kan jf. § 5-1 påklagast.

§ 3-5. Utdanningsplanegen side

Alle studentar som vert tatt opp til eit studie på 60 studiepoeng eller meir skal ha ein utdanningsplan, ref. lov om universiteter og høyskoler § 4-2. Utdanningsplanen er ein gjensidig avtale mellom studenten og BAS om plikter og ansvar begge partar har for studenten sitt studie samt plikter og ansvar studenten har overfor sine medstudentar. Utdanningsplanen gir innhaldet og progresjonen i studenten si planlagde utdanning.

§ 3-6. Permisjonegen side

Studentar kan søkje permisjon frå studiet for eitt eller fleire semester. Søknaden må være administrasjonen i hende innan fastsett frist for å oppnå fritak frå å betale studieavgift.

§ 3-7. Studieåretegen side

Studieåret er delt i to semester. Haustsemesteret varer frå medio august til cirka 20. desember. Vårsemesteret varer frå primo januar til primo juni. Diplomsemesteret går fram til 30. juni.

§ 3-8. Studiegjennomføringegen side

Master i arkitektur er organisert i 2 avdelingar. 1. avdeling omfattar 1.–3. studieår og består av kurs som naturleg byggjer på kvarandre. Alle kurs i 1. avdeling er obligatoriske. 2. avdeling omfattar 4. og 5. studieår, der studenten kan velje mellom dei semesterkursa BAS tilbyr. Studenten må bestå 3 kurs før han/ho kan starte på diplomsemesteret. Studenten vel ein sjølvformulert oppgåve på diplom.

§ 3-9. Godskriving og fritakegen side

(1) Student ved BAS som dokumenterer utdanning frå annan akkreditert utdanningsinstitusjon, skal i medhald av lov om universiteter og høyskoler § 3-5 godskrivast i den grad utdanninga oppfyller same faglege krav og innhald som det, eller dei kursa det vert søkt godskriving av.
(2) Ein student kan i medhald av lov om universiteter og høyskoler § 3-5, 2. ledd få fritak for eitt eller fleire kurs ved BAS. For at søknad om fritak skal kunne innvilgast, må søkjars realkompetanse, eller utdanning, vurderast som likeverdig med læringsutbytet fastsett for kurset det vert søkt fritak frå. Fritak på bakgrunn av utdanning som ledd i utveksling, er som hovudregel berre muleg i 2. avdeling. Det er eit vilkår at studenten har betalt studieavgift til BAS under utvekslingsopphaldet.
(3) For å oppnå graden Master i arkitektur, er det eit vilkår at minst 90 studiepoeng er avlagt ved BAS.

§ 3-10. Tilretteleggingegen side

Ein student med særskilde behov kan søkje om tilrettelegging. Søknad, med utredning/legeerklæring, må rettast administrasjonen.

Kapittel 4. Eksamen

§ 4-1. Eksamen og eksamensformeregen side

(1) Eksamen er den formelle vurderinga av det faglege nivået.
(2) Styret ved Bergen Arkitekthøgskole fastset prøveforma for den einskilde eksamen. Eksamen kan omfatte prosjektarbeid, skriftleg og/eller munnleg prøve, gjennomføring av øvingar, deltaking i seminar, ekskursjonar o.a. Opplysningar om innleveringskrav, vurderingskriterier og prøveform for den einskilde eksamen er satt inn i studieplan/kursplan.
(3) I 1. avdeling vert studentane formelt vurdert etter kvart år. Desse vurderingane kvalifiserer for å studera vidare ved BAS.
(4) I 2. avdeling er kvart semesterkurs å rekne som en eksamen og vert vurdert til Bestått/Ikkje bestått. Det siste semesteret, diplomsemesteret, vert avslutta med eksamen i sjølvformulert oppgåve.
(5) Eksamen er ei heilskapleg vurdering av haldning, innsats og resultat – underlagt dei følgjande 3 evalueringskriteria:
  1. Kunnskap – studenten sin viste kunnskap
  2. Ferdigheiter – Studenten si tilnærming til oppgåvene og arbeidsmetodane gjennom sjølvstendig, systematisk og kritisk resonnement.
  3. Generell kompetanse – studenten si faglege haldning og innstilling til arkitektur og arkitekten sin praksis i samfunn.

§ 4-2. Vilkår for å gå opp til eksamenegen side

(1) For å kunne gå opp til eksamen må studenten ha betalt studieavgift for gjeldande semester og elles ha gjort opp alle økonomiske fordringar med skulen så langt.
(2) For å kunne gå opp til eksamen må studenten ha oppfylt dei krav som er satt for kurset/året, som satt i kursplan/studieplan.
(3) For å kunne gå opp til diplomeksamen må studenten vere klarert for eksamen av BAS.

§ 4-3. Eksamensforsøkegen side

Det er høve til å ta ny eksamen berre ein gong til etter «Ikkje bestått». Det kan søkjast om dispensasjon til eit tredje forsøk.

§ 4-4. Forfall til eksamenegen side

(1) Forfall til eksamen må meldast studieadministrasjonen og dokumenterast med legeattest eller annan gyldig dokumentasjon før eksamen tek til, for at oppmelding ikkje skal reknast som eksamensforsøk.
(2) Kandidatar som har levert materiale til bedømming kan ikkje unndra seg sensur. Avlagt prøve kan ikkje annullerast.

§ 4-5. Ny eksamenegen side

Ein student som har gyldig fråvær ved ordinær eksamen har rett til å gå opp til ny eksamen. Ny eksamen kan haldast ved neste ordinære gjennomføring av den aktuelle eksamen eller i samband med annan tilsvarande eksamen.

§ 4-6. Utsatt eksamen/innleveringegen side

Det er høve til å søkje om utsatt innlevering/eksamen på grunnlag av dokumentert sjukdom, annan tvingande fråværegrunn eller supplering. Studenten får jobbe vidare utover ordinær frist/eksamen. Det vil vere individuell saksbehandling i kvart einskild tilfelle etter søknad. Dersom utsatt eksamen/innlevering vert innvilga, vil sensurering skje på seinare fastsatt tidspunkt.

§ 4-7. Særleg tilrettelegging av eksamenegen side

(1) Ein student som har fysiske eller psykiske problem med å gjennomføre eksamen på vanleg måte kan søke om særordningar ved eksamen. Særordninga skal ha som føremål å vege opp for dei ulemper som funksjonshemminga medfører, samstundes som det i størst muleg grad skal sikrast at studentane vert prøvd likt. Søknad sendast til BAS studieadministrasjonen.
(2) Eksempel på særordningar kan være:
  • Utvida eksamenstid
  • Høve til lengre pausar, eventuelt høve til å kvile
  • Skriftleg eksamen i staden for munnleg
  • Munnleg eksamen i staden for skriftleg
  • Eige eksamenslokale med eigen eksamensvakt
  • Bruk av skrivemaskin, pc og andre tekniske hjelpemidlar
  • Skrivehjelp, døvetolk og anna praktisk hjelp
  • Overføring av oppgåvene til punktskrift eller forstørra skrift
  • Høgtlesing av oppgåveteksten.
(3) Frist for å søke særordningar er 8 veker før eksamen. Behovet for særordning må dokumenterast med legeattest eller attest frå annan sakkunnig person. Er funksjonshemminga oppstått etter fristens utløp, eller dersom andre særlege grunnar tilseier det kan skulen fråvike denne fristen. Studentar med dyskalkuli, dysleksi eller andre lese- og skrivevanskar må ha attest frå logoped eller annan spesialist som beskriver kva for særordningar det er behov for.

§ 4-8. Karaktersystemegen side

For kvar eksamen eller prøve vert følgjande karakterar gitt:
  1. Etter skalaen Bestått/Ikkje bestått.
  2. Etter skala frå A til F der A er beste karakter og F er stryk.

§ 4-9. Fuskegen side

(1) Dersom det under eksamen oppstår mistanke om fusk eller forsøk på fusk, skal studenten straks bli gjort merksam på at han/ho vil bli rapportert. Studenten kan då velje om han/ho vil avbryte eksamen.
(2) Konsekvensen for studenten ved fusk/forsøk på fusk er annullering av eksamen og inntil eitt års utestenging frå alle høgare utdanningsinstitusjonar, jf. lov om universiteter og høyskoler § 4-7 (1) og § 4-8 (3). Sensurresultatet skal setjast til «Ikkje bestått» der det er dokumentert fusk eller forsøk på fusk. Alle saker der det er avdekka fusk eller forsøk på fusk skal oversendast Styret for endeleg vedtak. Styret etterprøver bevismaterialet og annullerer eksamen dersom dette er haldbart, og fattar vedtak om utestenging av studenten som følgje av fusk/forsøk på fusk ved eksamen. Vedtak i Styret om utestenging kan påklagast til departementet sitt særskilde nasjonale klageorgan, jf. lov om universiteter og høyskoler § 4-8 (5).

§ 4-10. Klage over formelle feil ved eksamenegen side

(1) Ein student som har vore oppe til eksamen eller prøve, kan klage over formelle feil innan tre veker etter at ho/han burde vore kjent med det forhold som ligg til grunn for klagen, jf. lov om universiteter og høyskoler § 5-2.
(2) Klage over formelle feil skal framsetjast skriftleg til BAS sin studieadministrasjon.

§ 4-11. Klage over karakterfastsetjing – rett til grunngjevingegen side

(2) Krav om grunngjeving for karakterfastsetjing og klage over karakterfastsetjing må framsetjast skriftleg til studieadministrasjonen seinast tre veker etter sensur.
(3) Grunngjeving skal normalt gjevast innan to veker etter at kandidaten har bedt om dette. Ved klage over karakter har studenten rett på ny eksamen med nye sensorar.

§ 4-12. Karakterutskriftegen side

Studentar kan få skriftleg karakterutskrift på førespurnad til administrasjonen. Karakterutskrifta kan utferdigast på norsk eller engelsk (transcript).

§ 4-13. Grad og vitnemålegen side

(1) Mastergrad vert tildelt på grunnlag av eksamenar med eit samla omfang av 300 studiepoeng. For å oppnå ein grad hjå BAS må minimum 90 studiepoeng, inkludert diplomsemesteret, vere avlagt ved BAS.
(2) Vitnemål vert utstedt på norsk for studieprogram der undervisningsspråket er norsk. Eit eige vitnemålstillegg, Diploma Supplement, gir ein nærare skildring på engelsk av kandidaten si utdanning i det norske utdanningssystemet.
(3) Det vert berre utstedt eitt vitnemål for oppnådd grad.
(4) Rektor fastset utforminga av vitnemål.

Kapittel 5. Andre vedtak

§ 5-1. Klageregen side

Klage på vedtak i enkeltsaker rettast i første omgang til den/det organ som har gjort vedtaket. Dersom vedtaket vert oppretthalde kan klagar velje å ta saken sin vidare til BAS si klagenemnd.

§ 5-2. Endringaregen side

(1) Bergen Arkitekthøgskole har rett til å setje i verk endringar i vedtak som gjeld for institusjonen, her under rett til å endre studieopplegg, tid og stad for undervisning, lærekrefter, studieavgift m.m.
(2) Endring av studieavgift skal godkjennast av Styret for Bergen Arkitekthøgskole.
(3) Styret fastset etter drøfting og vedtak i lærarråd/SKU dei forskrifter og instruksar som gjeld ved Bergen Arkitekthøgskole og kan gje utfyllande reglar innanfor ramma av denne forskrift.
(4) Endringar i studieplanar skal godkjennast av Styret eller det organ som Styret gir mynde.
(5) Endringar skal gjerast kjent for studentane så raskt som mogeleg og på hensiktsmessig vis.

§ 5-3. Atterhaldegen side

Bergen Arkitekthøgskole tek atterhald om eventuelle trykkfeil i studieinformasjon, kursbeskrivingar, eksamensplan og annan dokumentasjon som gjeld for det einskilde studiet.

§ 5-4. Ikrafttredingegen side

(1) Forskrifta trer i kraft straks.